,,რიონჰესის“ დადგმული სიმძლავრე 3 მეგავატით გაიზარდა

სს ,,ეპ ჯორჯია გენერაციამ“ წარმატებით დაასრულა ,,რიონჰესის“ რეკონსტრუქციის შემდგომი ეტაპი. შეიცვალა და დამონტაჟდა სრულიად ახალი, ELPROM-ის წარმოების, №2 ძალოვანი ტრანსფორმატორი, რომელიც კომპანიამ ევროპიდან ჩამოიტანა.

,,რიონჰესის“ რეაბილიტაციის ამ პროექტზე, რომელიც ახალი ტრანსფორმატორის გარდა, გენერატორის სრულ რეაბილიტაციას გულისხმობს, ,,ეპ ჯორჯია გენერაციამ“ 8 000 000 ლარამდე ინვესტიცია განახორციელა.

,,საკმაოდ მნიშვნელოვანი სამუშაოები ჩავატარეთ. გარდა იმისა, რომ გაიზარდა ჰესის დადგმული სიმძლავრე, გაიზარდა მისი მუშაობის საიმედოობა და რაც მთავარია, ვცდილობთ ჰესი გავმართოთ ევროპული სტანდარტების შესაბამისად“ – განაცხადა ,,ეპ ჯორჯია გენერაციის“ დირექტორთა საბჭოს წევრმა ლევან საჩალელმა. მისივე თქმით, ,,რიონჰესზე“ ახალი ტრანსფორმატორით შესაძლებელი იქნება, გენერატორის რეაბილიტაციის დროს, გაზრდილი სიმძლავრის გატარება.

რეკონსტრუქცია-რეაბილიტაციის სამუშაოები, კომპანიის მფობელობაში არსებულ სხვა ჰესებზეც აქტიუირად მიმდინარეობს.

დაკავშირებული სიახლეები

თბილისსა და მცხეთაში მდინარე მტკვრის დონე 3 დღით ბუნებრივ ნიშნულს დაუბრუნდება
28-დან 30 მაისის ჩათვლით, სს „ეპ ჯორჯია გენერაცია“ ზაჰესისა და ორთაჭალჰესის წყალსაცავებზე გეგმურ სამუშაოებს განახორციელებს. დაგეგმილია ორივე ჰიდროელექტროსადგურის წყალსაცავების გეგმიური გარეცხვა, რაც მათი სასარგებლო მოცულობის შენარჩუნებას და დაგროვილი ნაგვის გაწმენდა-გატანას ისახავს მიზნად.
_autotone
სს ,,ეპ ჯორჯია გენერაციამ“ ლაჯანურჰესზე მე-3 აგრეგატის რეკონსტრუქცია განახორციელა, რის შედეგედაც ჰესის დადგმული სიმძლავრე 113.7 მგვტ-დან  115.568 მგვტ-მდე გაიზარდა -  აღნიშნული პროექტისთვის კომპანიამ 24 000 000 ლარზე მეტი დახარჯა.
ჩეხეთის ახალი ელჩი ,,ენერგო-პრო ჯგუფის“ კუთვნილ ერთ-ერთ ჰიდროელექტროსადგურს ეწვია
ჩეხეთის ელჩი საქართველოში პეტრ კუბერნატი, საელჩოს წარმომადგენლებთან ერთად, ზაჰესის ჰიდროელექტროსადგურს ეწვია. სს ,,ეპ ჯორჯია გენერაციის“ წარმომადგენლებმა, ელჩს გააცნეს ინფორმაცია საქართველოში ჩეხური ,,ენერგო-პრო ჯგუფის“ საქმიანობისა და განხორციელებული ინვესტიციების შესახებ.